Një zjarr masiv ka shpërthyer në pjesën e sipërme të Malit të Gjerë mbi fshatin Mashkullorë në Gjirokastër. Zjarri që po vijon prej orësh gjendet në një distancë prej gati 500 metra nga zona e banuar. Në lartësinë ku fillimisht u shfaqën flakët ishte e pamundur të ndërhyhet ndërsa focat zjarrfikëse kanë marrë masa që të presin brezin e parë të flakëve në një zonë të thepisur mbi fshatin Mashkullorë. Shtrirja e flakëve ka marrë përmasa edhe në nivel horizontal dhe po favorizohet edhe nga era. Aktualisht nuk ka rrezik apo dëme për popullsinë.
