Situata e përshkallëzuar në Lindjen e mesme ku gjatë së dielës u derdhën dhjetëra tonë armatime në bomba e raketa mes Izraelit dhe Hezbollahut në Liban u vu në qendër të fushatës elektorale për president në SHBA.
Donald Trump kandidati republikan shkruajti në X se Xho Gjumashi (Biden) po fle në një plazh të Kalifornisë ndërsa hidhen bomba kudo në Lindjen e mesme. Kush po negocion për ne atje? Po shkojmë drejt Luftës së tretë botërore tha Trump ndaj duhet ta ndalojmë shkruan Trump.
Konflikti mes Izraelit dhe Hamasit njohu një kulm të ri sot në ditën e 324-t. Sulmi parandalues izraelit nisi ndaj të gdhirë duke vënë në shënjestër bazat e raketave nga ku një orë më vonë pritej sulm hakmarrës nga Hezbollahu, si hakmarrje për vrasjen e komandantit të Hamas, Fuad Shukr.
Bombardimet izraelite u kryen në territorin libanez, nga ku edhe u hodhën drejt Izraelit 300 raketa të interceptuara nga Kupola e hekurt. Forcat e Mbrojtjes së Izraelit (IDF) thanë se rreth 100 avionë luftarakë “goditën dhe shkatërruan mijëra bateri raketahedhëse të Hezbollahut” në më shumë se 40 zona të Libanit jugor.
Zëdhënësi i kundëradmiralit Daniel Hagari tha se i nisi sulmet pasi kishte identifikuar “përgatitje të gjerë” për një sulm ajror në shkallë të gjerë nga Hezbollah.
Ushtria izraelite tha se një ushtar i marinës izraelite u vra ndërsa Hezbollahu dhe aleati i tij, lëvizja Amal, thanë se tre luftëtarë u vranë.
“Ajo që ndodhi sot nuk është fundi i historisë”, tha kryeministri izraelit Benjamin Netanyahu në një mbledhje të kabinetit.
Herët këtë mëngjes, Hezbollahu u përpoq të sulmonte shtetin e Izraelit me raketa dhe dronë, shtoi ai. “Ne i thamë IDF të kryente një sulm parandalues intensiv për të shmangur kërcënimin.”
Përveç shkatërrimit të raketave me rreze të shkurtër veprimi, Netanyahu tha se IDF-ja ka kapur të gjithë dronët që Hezbollahu kishte “lëshuar drejt një objektivi strategjik në qendër të vendit”.
Po punohet edhe në rrafshin diplomatik për një armëpushim 72 orësh por deri tani lajmet janë se Hamasi refuzon kushtet e Izraelit.
