Rezidenca verore historike në Sardenjë, në pronësi të Silvio Berlusconit mund të jetë pjesë e trashëgimisë së madhe të pasanikut Hassanal Bolkian, sulltanit të Bruneit, i cili ia kishte vënë syrin Villa Certosa-s në Porto Rotondo që pas vdekjes së themeluesit të Finivest dhe Forza Italia.
Sulltani 77-vjeçar, i cili ka qenë në krye të monarkisë islamike në ishullin e Borneos për më shumë se pesëdhjetë vjet, ka pasur tashmë mundësinë të shihte rezidencën luksoze të ish-kryeministrit, vlera e së cilës varion nga 300 deri në 500 milionë euro. Shifra marramendëse, por jo të pamundura për sulltanin, pasuritë e të cilit përfshijnë, ndër të tjera, 452 Ferrari, 500 Rolls Royce dhe dhjetëra modele unike për një total prej 7 mijë automjetesh me vlerë 5 miliardë euro.
Por mes blerësve të mundshëm të Villa Certosa, një rezidencë që ka pritur në dhomat e saj njerëzit më të fuqishëm në botë, duke përfshirë ish-presidentin amerikan George W . Bush, ish-kryeministrin britanik Tony Blair dhe presidentin rus Vladimir Putin, janë edhe miliarderë të tjerë arabë dhe amerikanë dhe grupe hotelesh ndërkombëtare që synojnë të vlerësojnë blerjen.
