Situatë tepër e vështirë nga zjarri në Shëngjin e përkeqësuar nga era e fortë që fryu në orët e pasdites. Edhe pse janë zhvendosur aty forca zjarrfikëse nga shumë bashki, Agjencia e Mbrojtjes Civile dhe Forcat e Armatosura shtrirja e madhe e flakëve dhe era e fortë po rrezikojnë disa banesa siç shihet në pamjet nga vendngjarja . Policia e Shtetit përmes Forcës Kombëtare të Sigurisë dhe DVP Lezhë evakuoi banorët njofton ministra e Brendshme.
Flakët iu afruan hoteleve në zonën turistike të Ranës së Hedhun në Shëngjin. Zjarri ka rënë që prej së shtunës në Malin e Shëngjinin dhe era e pasdites të hënën aktivizoi sërish vatrat e flakëve.
Edhe ndërhyrja e helikopterit nuk i vuri nën kontroll flakët deri në orët e para të mëngjesit.
