Ministri i Brendshëm Taulant Balla prezantoi projektligjin “Për Policinë e Shtetit”, në komisionin parlamentar për Ekonominë dhe Financat. Ai u shpreh se në hartimin e projektligjit, puna për të cilën ka nisur që në 2023, janë marrë parasysh modelet e vendeve partnere dhe organizatave me të cilat Policia bashkëpunon.
“Ligji i ri synon një organizim më efektiv; adreson parandalimin e konfliktit të interesit apo eliminimin e çdo hapësire për veprimtari korruptive, që ndërlidhet me një prej çështjeve që janë fokus për komisionin tuaj ka të bëjë edhe me rekomandimet e Grupit të Shteteve Kundër Korrupsionit të Këshillit të Europës, GRECO sa i përket elementëve të direktivës së policisë dhe të direktivës për mbrojtjen e të dhënave personale”, nënvizoi Balla.
Ministri shtoi se policimi i së ardhmes duhet të jetë i bazuar në inteligjencë, përfshirë Inteligjencën artificiale.
“Synojmë që deri në 2030 të kemi një polici si vendet e BE. Ka nisur puna në shtator 2023 për projektligjin. Për hartimin i jemi referuar analizave të thelluara të modeleve të disa vendeve si Italia, Kroacia, Sllovenia, Rumania dhe ekspertiza e organizatave me të cilët punojmë çdo ditë. Ligji i është nënshtruar edhe një procesi konsultuar me të gjitha institucionit e pavarura, ri SPAK Prokurori i Përgjithshëm, KLP, KLGJ etj. Përmbushje e vendin tonë për të përmirësuar strukturat, sidomos për synimin Policia pranë komuniteteve”, u shpreh ministri.
“Duam të krijojmë një kulturë të qëndrueshme të profesionalizimit, të integritetit brenda Policisë së Shtetit dhe natyrshëm sigurimin e inspektimit të të drejtave dhe dinjitetit njerëzor për komunitete ku Policia e Shtetit ka nderin dhe detyrën të punojë. Po ashtu kemi adresuar edhe disa rekomandime të rëndësishme që vijnë nga OSBE-ja kryesisht përmes raporteve të ODHIR-it gjatë proceseve zgjedhore, por dhe në tërësi sa i përket komponentëve të policimit demokratik, pra një polici e orientuar drejt një shërbimi ndaj qytetarëve, rritje të përmirësimit të cilësisë së shërbimeve, një polici me kulturë profesionalizmi, integriteti”, tha Balla.
Më poshtë fjala e ministrit të Brendshëm Taulant Balla:
Të nderuar kolegë,
Propozimi i ligjit të ri për Policinë e Shtetit është një iniciativë e rëndësishme e Ministrisë së Brendshme në kuadër të përpjekjeve tona për reformimin e institucioneve të rendit dhe sigurisë, ku Policia e Shtetit është edhe agjencia më e madhe ligjzbatuese në këtë fushë. Ligji në fuqi “Për Policinë e Shtetit” ka qenë një ligj i mirë për kohën kur u miratua në vitin 2014 dhe ka synuar dhe ka arritur rezultate për sa i përket përmirësimit të performancës së Policisë së Shtetit, pikë së pari, në raport me të drejtat dhe pritshmëritë e qytetarëve, po ashtu ai ka kontribuar ndjeshëm në shumë fusha të sigurisë publike duke arritur parametra europian në të gjitha komponentët duke filluar nga lufta kundër krimit e duke kaluar nëpërmjet parametrave të rendit publik dhe sigurisë në tërësi.
Sa i përket procesit të hartimit të kësaj nisme mund t’ju them se ligji është një hap i rëndësishëm sa i përket përmbushjes nga Shqipëria të detyrimeve përgjatë procesit të anëtarësimit në Bashkimin Europian, në të gjitha çështjet që lidhen me kapitujt dhe grup kapitujt për forcimin e shtetit të së drejtës dhe institucioneve demokratike. Mund t’ju garantoj se kjo nismë krijon infrastrukturën e domosdoshme ligjore për forcimin e kapaciteteve të Policisë së Shtetit sa i përket mirë menaxhimit, organizimit dhe garantimit të parimeve të karrierës së pavarur për çdo punonjës të Policisë së Shtetit.
Dua që ta ndaj me të gjithë kolegët se kjo iniciativë ligjore, një pjesë e mirë prej saj ka ardhur nga vetë organizata e Policisë së Shtetit dhe synon një zgjidhje afatgjatë dhe të qëndrueshme të çështjeve që ne synojmë të përmirësojmë për të konsoliduar dhe dua ta nënvijëzoj, gjithë përvojën e mirë të arritur deri më tani, por natyrshëm për vendosur bazat e një reformimi, i cili synon të na çojë te një Polici Shteti e një vendi anëtarë të Bashkimit Europian deri në vitin 2030 dhe synojmë të krijojmë një agjenci ligjzbatuese të konsoliduar, autonome dhe të vetëdijshme për çdo hallk të organizimit mbi nevojën për të përmirësuar e mos harruar asnjëherë për të qenë pro aktive në raport me sfidat, në raport me rekomandimet dhe me të gjitha kërkesat përgjatë procesit historik të anëtarësimit në Bashkimin Europian.
Projektligji që ju të dashur kolegë keni përpara, ka nisur puna në shtator të vitit 2023 dhe hartimi i këtij ligji i është nënshtruar një procesi të strukturuar të shtrirë, me një diskutim shumë konstruktiv me vetë strukturat e Policisë së Shtetit në disa nivele, jo vetëm në nivelin e DP, me partnerët ndërkombëtar, të cilët asistojnë Ministrinë e Brendshme.
Dua ta ndaj me Komisionin e Ekonomisë dhe Financave se i jemi referuar analizave të thelluara të modeleve të disa vendeve ku ndër to do të nënvijëzoja së pari, Italinë, Kroacinë, Sllovenin, Rumaninë, por ekspertizës së vyer gjithashtu të organizatave ndërkombëtare me të cilat punojmë çdo ditë: EU4LEA nga BE, ICITAP nga SHBA, SIDS nga Norvegjia, Ambasadës së Mbretërisë së Bashkuar dhe do të isha më shpjegues këtu agjencive ligjzbatuese britanike me të cilat ne punojmë. Po ashtu t’ju informoj se ligji i është nënshtruar edhe një procesi konsultues shumë gjithëpërfshirës me të gjitha institucionet e pavarura dhe në dokumentacionin shoqërues keni edhe opinionet e tyre, Prokurori i Përgjithshëm, Prokuroria e Posaçme Kundër Korrupsionit dhe Krimit të Organizuar, KLGJ, KLP, Komisioneri për të Drejtën e Informimit dhe Mbrojtjen e të Dhënave Personale, një pjesë prej këtyre, janë tani, në këtë moment që po flasim në Komisionin e Sigurisë për t’iu përgjigjur edhe pyetjeve shtesë që komisioni përgjegjës mund të ketë.
Ligji ka marrë parasysh gjithë analizat objektive të nevojave për reformim për t’u adresuar nga Policia e Shtetit e ndërthur kjo siç ju thashë edhe me ekspertizën më të mirë të partnerëve ndërkombëtar. Ligji në mënyrë të përmbledhur mundëson adresimin e rekomandimeve kryesore të organizmave ndërkombëtar për krijimin e kapaciteteve apo strukturave të munguara në Policisë e Shtetit që nuk i kemi pasur deri më tani. Synon një organizim më efektiv; adreson parandalimin e konfliktit të interesit apo eliminimin e çdo hapësire për veprimtari korruptive, që ndërlidhet le të themi me një prej çështjeve që janë fokus për komisionin tuaj ka të bëj edhe me rekomandimet e Grupit të Shteteve Kundër Korrupsionit të Këshillit të Europës, GRECO sa i përket elementëve të direktivës së policisë dhe të direktivës për mbrojtjen e të dhënave personale.
Dua ta informoj Komisionin tuaj se të gjitha këto janë marrë në konsideratë, pra të gjitha rekomandimet e GRECO-s, janë referuar në këtë ligj të ri të Policisë së Shtetit. Iniciativa jonë e cila shpresojmë që të marrë edhe mbështetjen tuaj sot ka në thelb përmbushjen e angazhimit të vendit tonë për të përmirësuar kapacitete dhe integritetin e institucioneve të rendit dhe sigurisë, veçanërisht për sa i përket implementimit të konceptit policia pranë komuniteteve.
Duam të krijojmë një kulturë të qëndrueshme të profesionalizimit, të integritetit brenda Policisë së Shtetit dhe natyrshëm sigurimin e inspektimit të të drejtave dhe dinjitetit njerëzor për komunitete ku Policia e Shtetit ka nderin dhe detyrën të punojë. Po ashtu kemi adresuar edhe disa rekomandime të rëndësishme që vijnë nga OSBE-ja kryesisht përmes raporteve të ODHIR-it gjatë proceseve zgjedhore, por dhe në tërësi sa i përket komponentëve të policimit demokratik, pra një polici e orientuar drejt një shërbimi ndaj qytetarëve, rritje të përmirësimit të cilësisë së shërbimeve, një polici me kulturë profesionalizmi, integriteti dhe respekti për dinjitetin njerëzor dhe komuniteteve që ka nderin tu shërbej, një polici më e ndjeshme dhe më e përfshirë për sa i përket përmbushjes së objektivave sociale, dhënia e ndihmës dhe mbështetjes për grupet e cenueshme, të margjinalizuar viktimave të krimit dhe paharruar këtu asnjëherë viktimat e dhunës në familje, të diskriminimit apo dhe të përjashtimit social.
