Për 6 orë kuvendi u përfshi në debate për ndryshimet në Kodin Zgjedhor. Me formulen e re për shpërndarjen e mandateve dy partite e medha forcojnë vullnetin e kryetarit, duke emëruar 100 deputetë nga 140 që ka Kuvendi në total. Disa deputetë të opozitës deklarojnë votën kundër.
Lulzim Basha u braktis sot në Kuvend, teksa amendamenti i propozuar prej tij për ndryshimet në kodin zgjedhor u votua pro nga vetëm 4 deputetë, ndërsa 75 ishin kundër. Basha pretendonte me amendamentin e tij të hapte listat, ndërsa në fjalën e tij para deputetëve kritikoi për marrëveshjen PD-PS. Basha foli me tone të ashpra duke i paralajmëruar sidomos ish kolegët e tij demokratë./Shqiptarja.com
