Disa të shtëna me armë zjarri janë regjistruar mbrëmjen e kësaj të diele në Shkodër.
Nga informacionet paraprake, raportohet se ka mbetur një person i plagosur. Ai ka marrë një plumb në këmbë dhe ndodhet jashtë rrezikut për jetën.
Ngjarja është regjistruar në lagjen “Mark Lula”, ndërsa nuk dihet ende shkaku i të shtënave.
Policia ka shkuar menjëherë në vendngjarje dhe pritet të hidhet më shumë dritë mbi rrethanat e këtyre të shtënave me armë./ CNA
