Policia gjermane sekuestroi kokainë me vlerë 2.19 miliardë paund nga Hamburgu, Roterdami dhe Kolumbia, me shtatë persona nga një sërë vendesh të arrestuar javët e fundit për trafikimin e dyshuar të drogës nga Amerika Latine në Evropë në vitin 2023. Hetuesit gjermanë kanë konfiskuar 35.5 tonë kokainë në atë që autoritetet thonë se është operacioni më i madh i drogës së klasit A që Evropa ka parë ndonjëherë.
Prokurorët në qytetin perëndimor të Dyseldorfit thanë se konfiskuan kokainën, të cilën e vlerësuan në 2.6 miliardë euro vitin e kaluar pasi morën një informacion nga autoritetet kolumbiane. Një total prej 25 tonë kokainë u gjetën në portin e qyteti verior të Hamburgut si pjesë e Operacionit Plexus, tetë të tjera në portin holandez të Roterdamit dhe pothuajse tre në Kolumbi. Droga ishte fshehur mes perimeve dhe frutave, thanë prokurorët.
Shtatë persona të moshës nga 30 deri në 54 vjeç u arrestuan javët e fundit dhe përfshijnë shtetas gjermanë, azerbajxhanas, bullgarë, marokenë, turq dhe ukrainas.
Identiteti i tyre nuk është bërë i ditur, në përputhje me ligjin gjerman të privatësisë. Ata akuzohen për importimin e sasive të mëdha të kokainës nga Amerika Latine në Evropë midis prillit dhe shtatorit 2023. Të pandehurit besohet se kanë pasur ende bashkëpunëtorë të panjohur që dyshohet se jetonin në Turqi.
