Dy javë pasi ra në koma si pasojë e dhunës në mes të Tiranës, avokati Sokol Mëngjesi ka dalë nga kjo gjendje. Ai u dërgua për kurim të specializuar në Athinë pak ditë pas intubimit në spitalin e traumës në Tiranë. Dhunimi i tij u bë për shkak të një cështje pronash, para kopshtit të djalit në zonën e ish bllokut në kryeqytet. Për ngjarjen ka të arrestuar dhe persona në kërkim, pasi dinamika e sulmit dhe porsitësve është zbardhur.
