Pyetjes mund t’i përgjigjet vetëm SPAK. Prokurorët dhe Altin Dumani kanë në dorë raportin e OLAF, “Altin Dumani” e Rumanisë, Laura Codruța Kövesi, e cila tani punon në zyrat e hetimit të Bashkimit Europian, ka zbardhur gjithë skemën e mashtrimit e cila vodhi plot 33 milion euro nga 112 milion që Bashkimi Europian i dha Shqipërisë si ndihmë për Bujqësinë.
Zhvatja kishte nisur kohë para se Frida Krifca, e besuara e oligarkëve të shkonte në krye të AZHBR. Ish zyrtarë të LSI kishin kthyer në sistem që kërkonin më shumë se gjysmën e financimit pēr çdo investim nga IPARD.
Vjedhja skandaloze detyroi BE që të ndërpriste ndihmën për Bujqësinë shqiptare për të ndalur grabitjen masive që zyrtarë tē lartë bënin me fondet e BE. OLAF ka dhënë një shifër, 33 milion euro por shuma e vjedhur është shumë më e madhe. Ajo është përdorur për për të blerë, lobuar, shpërblyer edhe në funksion të lojrave të pushtetit.
Ish Ministrja Frida Krifca u shkarkua nga detyra dhe në vend tē saj erdhi një socialiste pa një histori kaq problematike. Largimi nga qeveria në atë kohë u përfol si masë mbrojtëse pēr qeverinë nëse vjedhja do të dokumentohej.
Tashmë letrat janë hapur qartē dhe në këtë proces ndihmē të jashtëzakonshme ka dhënë media e lirë e pa lidhur nga interesat e pushtetit.
Tani fusha është e hapur për Altin Dumanin. Ai ka në dorë të gjitha faktet se si zyrtarë të lartë të qeverisë grabitën para që duhet të shkonin në ndihmë të bujqëve shqiptarë.
