I nxehti afrikan që ka përfshirë vendin tonë ka zbrazur qytetet. Ata që kanë mundësi janë arratisur drejt bregdetit apo zonave pak më të freskëta, ndërsa të tjerë kanë qëndruar në shtëpi në mjedise me kondicionerë.
Fundjava do të vijojë të mbetet nën ndikim të kushteve atmosferike të qendrueshme dhe të nxehta.
Sipas Shërbimit meteorologjik ushtarak temperaturat e larta do të na shoqërojnë deri në mesin e javës tjetër, ku ditën e hënë dhe ditën e martë temperaturat pritet të shkojnë deri në 44 gradë celsius.
