Autoriteti Portual Durrës në një njoftim të fundit bën me dije se mbrëmjen e sotme nuk do të ketë lundrime të trageteve nga Porti i Durrësit drejt Portit të Barit, Itali.
Sipas informacionit për qytetarët, tragetet do të nisen drejt Barit mëngjesin e ditës së nesërme, 4 tetor.
Ky njoftim vjen pas parashikimeve të autoriteteve detare për përkeqësim të kushteve të motit.
Njoftimi i plotë:
Referuar parashikimeve të Autoriteteve detare për përkeqësim të kushteve të motit, mbrëmjen e sotme (dt.03.10.2024) nuk do të ketë lundrime të trageteve nga Porti i Durrësit drejt Portit të Barit.
Tragetet do të nisen drejt Barit(Itali) mëngjesin e ditës së nesërme(04.10.2024).
Për çdo sqarim të nevojshëm, ju lutemi drejtohuni pranë agjencive të trageteve ose na ndiqni në adresën zyrtare www.durresport.al
